Kriteret e pranimit
Programi Bachelor
- Nota mesatare e Maturës Shtetërore: 7 (minimumi)
- Nota mesatare e matematikës: 7 (minimumi)
- Aftësi në gjuhën angleze, certifikatë e nivelit B1
Programi Master
- Nota mesatare e Bachelor: 7 (minimumi)
- Aftësi në gjuhën angleze, certifikatë e nivelit B2 sipas udhëzimeve të Ministrisë së Arsimit, Sportit dhe Rinisë .
Aplikimi
Nëse i plotësoni të gjitha kërkesat e pranimit për në Shkollën e Lartë "Nehemiah Gateway", mund të vazhdoni me aplikimin. Butonat e mëposhtëm do t'ju çojnë në procedurën e nevojshme:
Testet e pranimit
Aplikantët që janë përzgjedhur sipas preferencave të tyre dhe notës mesatare të gjimnazit, do t'iu kërkohet të kryejnë testet e pranimit. Anglishtja është gjuha e mësimdhënies në Shkollën e Lartë "Nehemiah Gateway" dhe për këtë arsye aplikantët duhet t'i nënshtrohen një testi të gjuhës angleze. Së bashku me testin e gjuhës angleze, aplikantët i nënshtrohen edhe një testi në lëndën e matematikës. Aplikantët që paraqesin certifikata gjuhësore (p.sh. TOEFL, Cambridge, etj.) nga qendrat e licencuara të gjuhëve të huaja, nuk janë të detyruar të bejnë testin e gjuhës angleze.
Intervista
Aplikantët që kalojnë me sukses testet e pranimit, janë të ftuar për një intervistë me Komisionin e Pranimit të Shkollës së Lartë "Nehemiah Gateway". Intervista mundëson njohjen midis aplikantit dhe institucionit, si dhe gjithashtu institucioni mund të kuptojë më mirë motivimin e aplikantit për të studiuar në Shkollën e Lartë "Nehemiah Gateway".